5.寶貝心肝
作詞:王武雄
作曲:羅大佑
編曲:羅大佑
合唱:OK男女
日頭漸漸 爬 上山 天光就出外
恁是阮的 寶貝心肝 無分細甲大
送你讀冊 送伊唸歌 送恁做陣行
看你變巧 看伊畢業 獎狀一大疊
*黃昏日落 風昂聲 雷公來作伴
擔心受驚 手提雨幔 路中斟酌看
驚伊受風 驚你淋雨 驚恁四界把
驚伊變歹 驚你流連 烏暗的繁華
黑白是非 喜怒哀悲 你敢無看見
感情兩字 苦澀酸甜 五種的氣味
人生渺渺 成功失敗 是欲靠什麼
前途事業 追求名利 敢是真容易
Repeat *
黑白是非 勿加人拼 天公會保庇
感情兩字 順其自然 強求無意義
人生海海 成功失敗 當然靠家己
前途事業 叫做健康 從來無懷疑
日頭慢慢 欲落山 青春又靠岸
恁是阮的 寶貝心肝 人生的替換
不免著驚 不通拒絕 時代的變化
望咱永遠 心中有歌 愈唱愈繁華
|